साउदीमा ड्रोन आक्रमणमा मारिएका नेपालीको परिवारले ७२ लाख रुपैयाँभन्दा बढी क्षतिपूर्ति पाउने
साउदी अरबमा ड्रोन आक्रमणमा परी मृत्यु भएका महोत्तरीका नेपाली श्रमिक भरत महतोको परिवारले १ लाख ८१ हजार साउदी रियाल अर्थात् ७२ लाख रुपैयाँभन्दा बढी रकम पाउने भएको छ। नेपाली दूतावास रियादको पहलमा रोजगारदाता कम्पनीले सेवा सुविधाबापत ३१ हजार रियाल र क्षतिपूर्तिबापत १ लाख ५० हजार रियाल उपलब्ध गराउन सहमति जनाएको हो।
