साउदी अरबमा ड्रोन आक्रमणमा परी मृत्यु भएका महोत्तरीका नेपाली श्रमिक भरत महतोको परिवारले १ लाख ८१ हजार साउदी रियाल अर्थात् ७२ लाख रुपैयाँभन्दा बढी रकम पाउने भएको छ। नेपाली दूतावास रियादको पहलमा रोजगारदाता कम्पनीले सेवा सुविधाबापत ३१ हजार रियाल र क्षतिपूर्तिबापत १ लाख ५० हजार रियाल उपलब्ध गराउन सहमति जनाएको हो।
चालु आर्थिक वर्ष २०८३/८४ को पहिलो त्रैमासिकमा नेपालको सार्वजनिक ऋण ३० खर्ब रुपैयाँ नाघेको छ। सार्वजनिक ऋण व्यवस्थापन कार्यालयका अनुसार असोज मध्यसम्म सरकारको कुल ऋण दायित्व ३० खर्ब ९ अर्ब ११ करोड रुपैयाँ पुगेको छ। यो नेपालको कुल गार्हस्थ्य उत्पादनको ४५.५९ प्रतिशत हो।
सोलुखुम्बुको खुम्बु पासाङल्हामु गाउँपालिका–४ स्थित फेरिचेमा अवतरण गर्ने क्रममा फिस्टेल एयर र एयर डाइनेस्टीका दुई हेलिकप्टर ठोक्किँदा एक भारतीय पर्यटकको मृत्यु भएको छ। दुर्घटनामा भारतीय मूलका एक न्यूजिल्यान्ड नागरिक र दुवै हेलिकप्टरका पाइलट घाइते भएका छन्। घाइतेलाई उपचारका लागि काठमाडौं ल्याइएको छ।
