आशा गरिएका सुदूरपश्चिमका ब्याटर फर्किए पभेलियन

नेपाल प्रिमियर लिग (एनपीएल) को तेस्रो संस्करणको उद्घाटन खेलमा साविक उपविजेता सुदूरपश्चिम रोयल्सको ब्याटिङ धराशायी बनेको छ ।

सोमबार कीर्तिपुरस्थित त्रिवि क्रिकेट रंगशालामा टस हारेर ब्याटिङमा आएको सुदूरपश्चिमले लुम्बिनीविरुद्ध १० ओभरमै सात विकेट गुमाएको छ । आशा गरिएका ब्याटहरूले कमजोर प्रर्दशन गरेका छन् ।

नवौँ ओभरको समाप्तीमा ओपनर सैफ जैबले १३ रन बनाए । अर्का ओपनर विनोद भण्डारीले नौ रन जोडे । इशान पाण्डेले सात, ब्रान्डन म्याकमुलेनले दुई, शेरफन रथरफोर्डले एक बनाए भने आरिफ शेख र स्कट कुगेलेइन ‘डक’ आउट भए हुन् ।

हल क्रिजमा रहेका कप्तान दीपेन्द्रसिंह ऐरीले १८ र अनिल खरेल शून्य रनमा खेलिरहेका छन् ।

लुम्बिनीका लागि शेर मल्ले तीन विकेट लिए । त्यसैगरी, किशोर महतोले दुई विकेट लिँदा तिलक भण्डारी र शाड्ली भान शाल्विकले समान एक विकेट लिएका छन् ।