लेखकका समाचार
बझाङको केदारस्युँ गाउँपालिका–७ भामचौरमा जीप दुर्घटना हुँदा दुई जनाको मृत्यु भएको छ भने अन्य छ जना घाइते भएका छन्। घाइतेमध्ये पाँच जनाको अवस्था गम्भीर रहेको प्रहरीले जनाएको छ। प्रारम्भिक प्रहरी विवरणअनुसार ब्रेक फेल भएपछि जीप सडकबाट करिब १०० मिटर तल खसेको थियो।
सरकारले नेपाल प्रहरीको महानिरीक्षक (आईजीपी) मा अतिरिक्त प्रहरी महानिरीक्षक डा. मनोजकुमार केसीलाई नियुक्त गरेको छ। बुधबार बसेको मन्त्रिपरिषद् बैठकले बहालवाला आईजीपी दानबहादुर कार्कीलाई प्रधानमन्त्रीको विशेष सुरक्षा सल्लाहकारको जिम्मेवारी दिँदै केसीलाई प्रहरी संगठनको नेतृत्व सुम्पने निर्णय गरेको हो।
नेपाल र भारतका विदेश सचिवबीच बुधबार काठमाडौंमा भएको द्विपक्षीय वार्तामा प्रधानमन्त्री बालेन्द्र शाहको प्रस्तावित भारत भ्रमण, व्यापार, ऊर्जा, विकास सहकार्य, कनेक्टिभिटी र भोटेकोशी बाढीपछिको पुनर्निर्माणबारे छलफल भएको छ। भारतीय विदेश सचिव विक्रम मिस्री दुईदिने औपचारिक भ्रमणका लागि काठमाडौं आएका हुन्।
इजेरियाको उत्तरपश्चिमी जाम्फारा राज्यमा प्रहरी टोलीमाथि भएको आक्रमणमा कम्तीमा आठ सुरक्षाकर्मीको मृत्यु भएको स्थानीय अधिकारीहरूले बताएका छन्।
नेपालमा पाइने दुर्लभ तथा संकटापन्न वन्यजन्तुमध्ये सालक पनि एक हो। यसको बासस्थान र गतिविधि पहिचान गर्न बाँकेमा वैज्ञानिक अध्ययन सुरु गरिएको छ।
भारतको पूर्वी तटीय क्षेत्रमा मुरासु चक्रवात प्रवेश गरेपछि आन्ध्र प्रदेशका विभिन्न स्थानमा तीव्र हावाहुरी र भारी वर्षाको जोखिम बढेको छ। सम्भावित क्षति न्यूनीकरण गर्न प्रशासनले हजारौँ नागरिकलाई सुरक्षित स्थानमा सार्ने काम अघि बढाएको छ।
युक्रेनी राष्ट्रपति भोलोदिमिर जेलेन्स्कीका अनुसार मंगलबार गरिएको आक्रमणमा २८९ ड्रोन, १७ वटा ब्यालिस्टिक क्षेप्यास्त्र र ५९ वटा क्रुज क्षेप्यास्त्र प्रयोग गरिएको थियो। आक्रमण दक्षिणी ओडेसादेखि पश्चिमी रिभ्नेसम्मका ऊर्जा केन्द्र तथा विद्युत् संरचनामा केन्द्रित रहेको उनले बताएका छन्।
: रुस र युक्रेनबीच जारी युद्धको प्रभाव कृष्णसागर क्षेत्रमा थप विस्तार हुँदै जाँदा नेटो सदस्य राष्ट्र रोमानिया र बुल्गेरियाको समुद्री सुरक्षालाई लिएर चिन्ता बढेको छ। पछिल्ला साताहरूमा व्यापारिक जहाजमाथि भएका आक्रमणले यस क्षेत्रमा अन्तर्राष्ट्रिय व्यापार तथा समुद्री यातायातसमेत प्रभावित हुने जोखिम बढाएको छ।
चालु आर्थिक वर्ष २०८३/८४ को पहिलो त्रैमासिकमा नेपालको सार्वजनिक ऋण ३० खर्ब रुपैयाँ नाघेको छ। सार्वजनिक ऋण व्यवस्थापन कार्यालयका अनुसार असोज मध्यसम्म सरकारको कुल ऋण दायित्व ३० खर्ब ९ अर्ब ११ करोड रुपैयाँ पुगेको छ। यो नेपालको कुल गार्हस्थ्य उत्पादनको ४५.५९ प्रतिशत हो।
नेपालमा अक्टोबर महिनामा आउने विदेशी पर्यटकमध्ये सबैभन्दा ठूलो संख्या अमेरिकाबाट आएको छ। नेपाल पर्यटन बोर्डको तथ्याङ्कअनुसार १७ हजार ४३७ अमेरिकी पर्यटक नेपाल आएका छन् भने भारतबाट १२ हजार ९७ जना आएका छन्। यससँगै परम्परागत रूपमा नेपालको प्रमुख पर्यटन स्रोत बजार रहँदै आएको भारत दोस्रो स्थानमा झरेको छ।
आवश्यक भूउपयोग वर्गीकरण पूरा नगरेका ३३३ स्थानीय तहमा जग्गाको कित्ताकाट रोकिएको छ। देशभरका ७५३ स्थानीय तहमध्ये ४२० वटाले मात्रै जग्गाको वर्गीकरण पूरा गरेका छन्। समस्या समाधानका लागि सरकारले भूउपयोग नियमावली चौथोपटक संशोधन गर्ने तयारी गरेको छ।
चिकित्सा शिक्षा सुधारको माग राख्दै इलाममा २५औँ पटक आमरण अनशनमा बसेका डा. गोविन्द केसीको स्वास्थ्य अवस्था गम्भीर भएपछि सोमबार नेपाली सेनाको हेलिकप्टरमार्फत काठमाडौं ल्याइएको छ। चिकित्सकका अनुसार उनको रगतमा चिनीको मात्रा अत्यन्त कम हुनुका साथै मुटुको धड्कनमा अनियमितता देखिएको थियो।
-768x432.webp&w=3840&q=75)
